ਮੈਂ ਲਾਲਚ ਹਾਂ

ਮੈਂ ਲਾਲਚ ਹਾਂ
ਮੇਰਾ ਨਾ ਕੋਈ ਭਰਾ
ਨਾ ਕੋਈ ਦੋਸਤ
ਮੇਰੀ ਆਪਣੀ ਹੈ
ਸਿਰਫ
' ਮੈਂ '
ਇਨਸਾਨ ਨੂੰ ਸ਼ਰਾਬੀ ਵਾਂਗ
ਝੂਮਣ ਲਾਉਂਦਾ ਹਾਂ
'ਮੈਂ ' ਦੀ ਡੁੱਗਡੁੱਗੀ ਤੇ
ਬਾਂਦਰ ਨਾਚ ਨਚਵਾਉਂਦਾ ਹਾਂ
ਇਸ ਦੇ ਜੰਮਣ ਤੋਂ ਲੈ ਕੇ ਮਰਨ ਤੱਕ
ਕਦਮ ਨਾਲ ਕਦਮ ਮਿਲਾਕੇ ਚਲਦਾ ਹਾਂ
ਮੈਂ ਲਾਲਚ ਹਾਂ
ਇਨਸਾਨ ਨੂੰ ' ਮੈਂ ' ਦਾ ਗੀਤ ਸਿਖਾਉਂਦਾ ਹਾਂ ।

ਕਦੇ ਉਹ-

ਕਦੇ ਉਹ ਲੱਗਦੀ
ਮਿੱਠੇ ਖੁਆਬ ਜਿਹੀ

ਕਦੇ ਲੱਗਦੀ
ਕਿਸੇ ਖੁੱਲੀ ਕਿਤਾਬ ਜਿਹੀ

ਕਦੇ ਲੱਗਦੀ ਵਗਦੇ
ਝਨਾ ਜਿਹੀ

ਕਦੇ ਰੇਗਿਸਥਾਨ 'ਚ' ਖੜੇ
ਰੁੱਖ ਦੀ ਠੰਡੀ ਛਾਂ ਜਿਹੀ

ਕਦੇ ਲੱਗੇ ਰੱਬਦੇ
ਦੀਦਾਰ ਜਿਹੀ

ਕਦੇ ਮੈਨੂੰ ਲੱਗੇ
ਮੇਰੀ ਮਾਂ ਦੇ ਆਸ਼ੀਰਵਾਦ ਜਿਹੀ

ਕਦੇ ਮੈਨੂੰ ਲੱਗੇ
ਮੇਰੀ ਮਾਂ ਦੇ ਆਸ਼ੀਰਵਾਦ ਜਿਹੀ